ਫ਼ੋਨ ਕਰੋ ਆਓ ਜੂਏ ਬਾਰੇ ਗੱਲ ਕਰੀਏ।
ਜੂਆ ਖੇਡਣ ਸਬੰਧੀ ਮਦਦ ਲੈਣ ਤੋਂ ਲੋਕਾਂ ਦੇ ਪਿੱਛੇ ਹਟਣ ਦਾ ਸਭ ਤੋਂ ਵੱਡਾ ਕਾਰਨ ਇਹ ਹੁੰਦਾ ਹੈ ਕਿ ਉਹਨਾਂ ਨੂੰ ਆਪਣੇ ਉੱਤੇ ਫੈਸਲਾ ਸੁਣਾਏ ਜਾਣ (ਜੱਜ ਕੀਤਾ ਜਾਣ) ਦਾ ਡਰ ਹੁੰਦਾ ਹੈ।
ਸਮਾਜ ਵਿੱਚ ਜੂਏ ਨਾਲ ਜੁੜੀ ਬਦਨਾਮੀ ਕਾਰਨ ਲੋਕ ਸ਼ਰਮਿੰਦੇ, ਇਕੱਲੇ ਜਾਂ ਆਪਣੀ ਸਮੱਸਿਆ ਲੁਕਾਉਣ ਲਈ ਮਜਬੂਰ ਮਹਿਸੂਸ ਕਰ ਸਕਦੇ ਹਨ।
ਇਸ ਨਾਲ ਮਦਦ ਲੈਣਾ ਔਖਾ ਹੋ ਜਾਂਦਾ ਹੈ — ਸਿਰਫ਼ ਜੂਆ ਖੇਡਣ ਵਾਲਿਆਂ ਲਈ ਹੀ ਨਹੀਂ, ਸਗੋਂ ਪਰਿਵਾਰ ਅਤੇ ਦੋਸਤਾਂ ਲਈ ਵੀ।
ਪਰ ਇਹ ਹਮੇਸ਼ਾਂ ਏਦਾਂ ਨਹੀਂ ਰਹਿਣਾ। ਬਿਨਾਂ ਦੋਸ਼ ਲਗਾਏ, ਸਹੀ ਗੱਲਬਾਤ ਸ਼ੁਰੂ ਕਰਨਾ ਪਹਿਲਾ ਤਾਕਤਵਰ ਕਦਮ ਹੋ ਸਕਦਾ ਹੈ।
ਗੱਲ ਸ਼ੁਰੂ ਕਰਨ ਦੇ ਕੁਝ ਸਧਾਰਣ ਤਰੀਕੇ:
-
“ਮੈਂ ਹਾਲ ਹੀ ਵਿੱਚ ਆਪਣੇ ਜੂਏ ਬਾਰੇ ਸੋਚ ਰਿਹਾ ਹਾਂ, ਅਤੇ ਮੈਨੂੰ ਠੀਕ ਨਹੀਂ ਲੱਗ ਰਿਹਾ।”
-
“ਮੈਂ ਵੇਖਿਆ ਹੈ ਕਿ ਮੈਂ ਜੂਏ ‘ਤੇ ਸੋਚ ਤੋਂ ਵੱਧ ਖਰਚ ਕਰ ਰਿਹਾ ਹਾਂ। ਮੈਨੂੰ ਥੋੜ੍ਹੀ ਮਦਦ ਦੀ ਲੋੜ ਹੈ।”
-
“ਮੈਂ ਇਸ ਸਮੇਂ ਸੰਭਾਲ ਨਹੀਂ ਪਾ ਰਿਹਾ, ਸਮਝ ਨਹੀਂ ਆ ਰਿਹਾ ਕੀ ਕਰਾਂ।”
-
“ਮੇਰੇ ਬਿੱਲ ਭਰਨੇ ਹਨ, ਅਤੇ ਮੈਨੂੰ ਲੱਗਦਾ ਹੈ ਹੋਰ ਕੋਈ ਰਸਤਾ ਨਹੀਂ।”
-
“ਜੂਏ ਦੇ ਇਸ਼ਤਿਹਾਰ ਹਰ ਜਗ੍ਹਾ ਨੇ। ਤੁਸੀਂ ਕੀ ਸੋਚਦੇ ਹੋ ਮੈਂ ਕੀ ਕਰਾਂ?”
ਕਿਸੇ ਹੋਰ ਨਾਲ ਉਸਦੇ ਜੂਏ ਬਾਰੇ ਕਿਵੇਂ ਗੱਲ ਕਰੀਏ
ਜੇ ਤੁਸੀਂ ਕਿਸੇ ਹੋਰ ਦੇ ਜੂਏ ਬਾਰੇ ਚਿੰਤਤ ਹੋ, ਤਾਂ ਗੱਲਬਾਤ ਦਇਆ, ਸਹਿਯੋਗ ਅਤੇ ਬਿਨਾਂ ਫੈਸਲਾ ਸੁਣਾਏ ਕਰੋ। ਮਕਸਦ ਟਕਰਾਉਣਾ ਨਹੀਂ, ਗੱਲ ਕਰਨ ਦਾ ਮੌਕਾ ਬਣਾਉਣਾ ਹੈ।
ਤੁਸੀਂ ਕਹਿ ਸਕਦੇ ਹੋ:
-
“ਮੈਂ ਨੋਟਿਸ ਕੀਤਾ ਹੈ ਤੁਸੀਂ ਹਾਲ ਹੀ ਵਿੱਚ ਥੋੜ੍ਹਾ ਵੱਧ ਜੂਆ ਖੇਡ ਰਹੇ ਹੋ, ਸਭ ਠੀਕ ਹੈ?”
-
“ਤੁਸੀਂ ਅੱਜਕੱਲ੍ਹ ਆਪਣੇ ਵਰਗੇ ਨਹੀਂ ਲੱਗਦੇ, ਕੀ ਕੁਝ ਸਾਂਝਾ ਕਰਨਾ ਚਾਹੁੰਦੇ ਹੋ?”
-
“ਜੇ ਕਦੇ ਗੱਲ ਕਰਨ ਜਾਂ ਮਦਦ ਦੀ ਲੋੜ ਹੋਵੇ, ਮੈਂ ਮੌਜੂਦ ਹਾਂ।”
ਪਹਿਲਾਂ ਸੁਣਨ ‘ਤੇ ਧਿਆਨ ਦਿਓ। ਇਹ ਇੱਕ ਵਾਰ ਦੀ ਗੱਲ ਨਹੀਂ ਵੀ ਹੋ ਸਕਦੀ — ਵਾਰ-ਵਾਰ ਪੁੱਛਣਾ ਵੀ ਠੀਕ ਹੈ।
ਕਈ ਵਾਰ ਸਿਰਫ਼ ਇਹ ਜਾਣਨਾ ਕਿ ਕੋਈ ਪਰਵਾਹ ਕਰਦਾ ਹੈ, ਬਹੁਤ ਫਰਕ ਪਾ ਦਿੰਦਾ ਹੈ।
ਭਾਸ਼ਾ ਮਹੱਤਵਪੂਰਨ ਹੈ:
“ਪ੍ਰਾਬਲਮ ਗੈਂਬਲਰ” ਜਾਂ “ਗੈਂਬਲਿੰਗ ਐਡਿਕਟ” ਵਰਗੇ ਸ਼ਬਦਾਂ ਤੋਂ ਬਚੋ। ਇਸਦੀ ਬਜਾਏ ਸਤਿਕਾਰਯੋਗ ਅਤੇ ਦਇਆਲੂ ਸ਼ਬਦ ਵਰਤੋਂ, ਜਿਵੇਂ:
“ਜੂਆ ਖੇਡਣ ਵਾਲਾ ਵਿਅਕਤੀ” ਜਾਂ “ਜੂਏ ਨਾਲ ਸਮੱਸਿਆ ਦਾ ਸਾਹਮਣਾ ਕਰ ਰਿਹਾ ਵਿਅਕਤੀ”।
ਅਸਲੀ ਕਹਾਣੀਆਂ
ਜੇ ਤੁਹਾਨੂੰ ਕਦੇ ਜੂਏ ਬਾਰੇ ਗੱਲ ਕਰਨੀ ਜਾਂ ਮਦਦ ਲੈਣੀ ਔਖੀ ਲੱਗੀ ਹੈ, ਤਾਂ ਤੁਸੀਂ ਇਕੱਲੇ ਨਹੀਂ ਹੋ। ਬਹੁਤ ਸਾਰੇ ਲੋਕ ਐਸਾ ਮਹਿਸੂਸ ਕਰਦੇ ਹਨ।
-
ਨਵੀਨ ਦੀ ਕਹਾਣੀ
ਇਸ ਵੀਡੀਓ ਵਿੱਚ ਨਵੀਨ ਇੱਕ ਏਸ਼ੀਅਨ ਨਿਊਜ਼ੀਲੈਂਡਰ ਵਜੋਂ ਆਪਣੇ ਜੀਵਨ ਦੇ ਅਸਲੀ ਤਜਰਬੇ ਸਾਂਝੇ ਕਰਦਾ ਹੈ ਅਤੇ ਆਓਟਿਆਰੋਆ ਵਿੱਚ ਜੂਏ ਨਾਲ ਸਾਹਮਣਾ ਹੋਣ ’ਤੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਦਰਪੇਸ਼ ਚੁਣੌਤੀਆਂ ’ਤੇ ਵਿਚਾਰ ਪੇਸ਼ ਕਰਦਾ ਹੈ।
-
ਲੀ ਨਾ ਦੇ ਪਰਿਵਾਰ ਦੀ ਕਹਾਣੀ
ਇਸ ਵੀਡੀਓ ਵਿੱਚ ਲੀ ਨਾ ਆਪਣੇ ਪਰਿਵਾਰ ਦੇ ਸਫ਼ਰ ਬਾਰੇ ਸਾਂਝਾ ਕਰਦੀ ਹੈ, ਜਿਸ ਵਿੱਚ ਚੀਨ ਤੋਂ ਫ਼ਿਜੀ ਜਾਣਾ ਅਤੇ ਫਿਰ ਆਓਟਿਆਰੋਆ ਨਿਊਜ਼ੀਲੈਂਡ ਵਿੱਚ ਆ ਕੇ ਵਸਣਾ ਸ਼ਾਮਲ ਹੈ।
-
ਜਿਆਂ ਦੀ ਕਹਾਣੀ
ਇਸ ਵੀਡੀਓ ਵਿੱਚ ਜਿਆਂ ਆਪਣੇ ਸਫ਼ਰ ਬਾਰੇ ਸਾਂਝਾ ਕਰਦਾ ਹੈ, ਜਿਸ ਵਿੱਚ ਉਹ ਹੌਂਗ ਕਾਂਗ ਤੋਂ ਆਓਟਿਆਰੋਆ ਨਿਊਜ਼ੀਲੈਂਡ ਆਇਆ ਅਤੇ ਪਹਚਾਣ, ਮਲਕੀਅਤ ਅਤੇ ਜੁੜਾਅ ਨਾਲ ਸਬੰਧਤ ਚੁਣੌਤੀਆਂ ਦਾ ਸਾਹਮਣਾ ਕੀਤਾ।
ਹੁਣੇ ਸਹਾਇਤਾ ਪ੍ਰਾਪਤ ਕਰੋ
-
ਫ਼ੋਨ ਕਰੋ
-
ਮੁਫ਼ਤ ਸੁਨੇਹਾ ਭੇਜੋ
-
ਖੁੱਲ੍ਹਣ ਦੇ ਸਮੇਂ
ਸੋਮਵਾਰ ਤੋਂ ਸ਼ੁੱਕਰਵਾਰ, ਸਵੇਰੇ 9 ਵਜੇ ਤੋਂ ਸ਼ਾਮ 8 ਵਜੇ ਤੱਕ
(ਸਰਕਾਰੀ ਛੁੱਟੀਆਂ ਤੋਂ ਇਲਾਵਾ)
ਏਸ਼ੀਅਨ ਫੈਮਿਲੀ ਸਰਵਿਸਿਜ਼ ਨਿਊਜ਼ੀਲੈਂਡ ਵਿੱਚ ਰਹਿੰਦੇ ਏਸ਼ੀਆਈ ਭਾਈਚਾਰਿਆਂ ਲਈ ਇੱਕ ਮੁਫ਼ਤ, ਗੁਪਤ ਅਤੇ ਨਾਂ ਬਿਨਾਂ (ਅਨਾਨਿਮਸ) ਫ਼ੋਨ ਸੇਵਾ ਪ੍ਰਦਾਨ ਕਰਦਾ ਹੈ, ਜੋ ਕਈ ਏਸ਼ੀਆਈ ਭਾਸ਼ਾਵਾਂ ਅਤੇ ਅੰਗਰੇਜ਼ੀ ਵਿੱਚ ਉਪਲਬਧ ਹੈ।
ਜੇ ਤੁਸੀਂ ਆਪਣੇ ਜੂਏ ਕਾਰਨ ਤਣਾਅ ਮਹਿਸੂਸ ਕਰ ਰਹੇ ਹੋ ਜਾਂ ਕਿਸੇ ਹੋਰ ਦੇ ਜੂਏ ਬਾਰੇ ਚਿੰਤਿਤ ਹੋ, ਤਾਂ ਅਸੀਂ ਤੁਹਾਡੀ ਮਦਦ ਲਈ ਮੌਜੂਦ ਹਾਂ।
ਕੀ ਇਹ ਪੇਜ ਤੁਹਾਡੇ ਲਈ ਮਦਦਗਾਰ ਸੀ?