ਮੁਫ਼ਤ ਮਦਦ ਪ੍ਰਾਪਤ ਕਰੋ
ਫ਼ੋਨ ਕਰੋ 0800 862 342ਜੂਆ ਲੋਕਾਂ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਪ੍ਰਭਾਵਿਤ ਕਰ ਸਕਦਾ ਹੈ, ਅਤੇ ਕਈ ਵਾਰ ਇਸ ਦੇ ਸੰਕੇਤ ਪਛਾਣਣਾ ਆਸਾਨ ਨਹੀਂ ਹੁੰਦਾ, ਖ਼ਾਸ ਕਰਕੇ ਸ਼ੁਰੂਆਤੀ ਦੌਰ ਵਿੱਚ। ਆਪਣੇ ਆਪ ਤੋਂ ਇਹ ਪੁੱਛਣਾ ਕਿ ਤੁਸੀਂ ਕਿਵੇਂ ਮਹਿਸੂਸ ਕਰ ਰਹੇ ਹੋ ਅਤੇ ਤੁਹਾਡੀ ਜ਼ਿੰਦਗੀ ਵਿੱਚ ਕਿਹੜੇ ਬਦਲਾਅ ਆ ਰਹੇ ਹਨ, ਤੁਹਾਨੂੰ ਇਹ ਸਮਝਣ ਵਿੱਚ ਮਦਦ ਕਰ ਸਕਦਾ ਹੈ ਕਿ ਜੂਆ ਕਦੋਂ ਨੁਕਸਾਨਦਾਇਕ ਬਣ ਸਕਦਾ ਹੈ।
ਜੂਏ ਖੇਡਣ ਨਾਲ ਅਜਿਹੇ ਨੁਕਸਾਨ ਵੀ ਹੋ ਸਕਦੇ ਹਨ ਜੋ ਜੂਆ ਖੇਡਣ ਵਾਲੇ ਵਿਅਕਤੀ ਦੀ ਜ਼ਿੰਦਗੀ ‘ਤੇ ਜਾਂ ਉਸ ਦੇ ਆਲੇ-ਦੁਆਲੇ ਲੋਕਾਂ ਦੀ ਜ਼ਿੰਦਗੀ ‘ਤੇ ਨਕਾਰਾਤਮਕ ਪ੍ਰਭਾਵ ਪਾਉਂਦੇ ਹਨ। ਜੂਏ ਦੇ ਨੁਕਸਾਨ ਕਈ ਵਾਰ ਅਸਾਨੀ ਨਾਲ ਨਜ਼ਰ ਨਹੀਂ ਆਉਂਦੇ। ਇਸ ਲਈ ਜੂਏ ਨਾਲ ਜੁੜੀਆਂ ਸਮੱਸਿਆਵਾਂ ਦੇ ਚੇਤਾਵਨੀ ਸੰਕੇਤਾਂ ਨੂੰ ਸਮਝਣਾ ਸਹੀ ਮਦਦ ਲੱਭਣ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ। ਅਸੀਂ ਜਾਣਦੇ ਹਾਂ ਕਿ ਜੂਆ ਹਰ ਕਿਸੇ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਪ੍ਰਭਾਵਿਤ ਕਰਦਾ ਹੈ, ਬਹਰਹਾਲ ਇੱਥੇ ਕੁਝ ਆਮ ਸੰਕੇਤ ਦਿੱਤੇ ਗਏ ਹਨ
ਜੂਆ ਕਿਸੇ ਦੀਆਂ ਭਾਵਨਾਵਾਂ ‘ਤੇ ਪ੍ਰਭਾਵ ਪਾ ਸਕਦਾ ਹੈ, ਭਾਵੇਂ ਉਹ ਕਿੰਨਾ ਵੀ ਜੂਆ ਖੇਡਣ। ਜਿਨ੍ਹਾਂ ਲੋਕਾਂ ਨੂੰ ਜੂਏ ਨਾਲ ਨੁਕਸਾਨ ਹੁੰਦਾ ਹੈ ਉਨ੍ਹਾਂ ਨੂੰ ਮਹਿਸੂਸ ਹੋ ਸਕਦਾ ਹੈ ਕਿ ਉਹ ਇਸ ‘ਤੇ ਕਾਬੂ ਨਹੀਂ ਰੱਖ ਸਕਦੇ, ਜੋ ਕਿ ਪਛਤਾਵੇ, ਸ਼ਰਮ ਜਾਂ ਆਤਮ-ਸਨਮਾਨ ਦੀ ਕਮੀ ਵੱਲ ਲੈ ਜਾ ਸਕਦਾ ਹੈ।
ਕੁਝ ਲੋਕਾਂ ਲਈ ਜੂਆ ਛੱਡਣਾ ਜਾਂ ਘਟਾਉਣਾ ਮੁਸ਼ਕਲ ਹੁੰਦਾ ਹੈ, ਭਾਵੇਂ ਉਹ ਖੁਦ ਵੀ ਰੁਕਣਾ ਚਾਹੁੰਦੇ ਹੋਣ। ਵਾਰ-ਵਾਰ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਕਾਮਯਾਬ ਨਾ ਹੋਣਾ ਨਿਰਾਸ਼ਾ ਜਾਂ ਲਾਚਾਰੀ ਪੈਦਾ ਕਰ ਸਕਦਾ ਹੈ।
ਜੂਆ ਪਰਿਵਾਰ ਅਤੇ ਦੋਸਤੀਆਂ ‘ਤੇ ਸਿੱਧਾ ਪ੍ਰਭਾਵ ਪਾ ਸਕਦਾ ਹੈ। ਇਹ ਭਰੋਸਾ ਟੁਟਣ, ਝਗੜਿਆਂ ਜਾਂ ਭਾਵਨਾਤਮਕ ਦੂਰੀ ਦਾ ਕਾਰਨ ਬਣ ਸਕਦਾ ਹੈ।
ਜੂਆ ਕਈ ਵਾਰ ਕਿਸੇ ਦੀ ਪੂਰੀ ਧਿਆਨ-ਕੇਂਦਰਤਾ ‘ਤੇ ਕਬਜ਼ਾ ਕਰ ਲੈਂਦਾ ਹੈ, ਜਿਸ ਨਾਲ ਉਹ ਜ਼ਿੰਮੇਵਾਰੀਆਂ ਪੂਰੀਆਂ ਨਹੀਂ ਕਰ ਪਾਉਂਦੇ, ਘਰ ਵਿੱਚ ਘੱਟ ਸਮਾਂ ਦਿੰਦੇ ਹਨ ਜਾਂ ਕੰਮ/ਪੜਾਈ ਵਿੱਚ ਕਮਜ਼ੋਰ ਹੋ ਜਾਂਦੇ ਹਨ।
ਜਦੋਂ ਜੂਏ ਦੇ ਨੁਕਸਾਨ ਵੱਧ ਜਾਣ, ਤਾਂ ਇਹ ਗੰਭੀਰ ਮਾਨਸਿਕ ਸਿਹਤ ਦੀਆਂ ਸਮੱਸਿਆਵਾਂ ਪੈਦਾ ਕਰ ਸਕਦੇ ਹਨ। ਕੁਝ ਲੋਕ ਆਪਣੇ ਆਪ ਨੂੰ ਫਸਿਆ ਹੋਇਆ, ਲਾਚਾਰ ਜਾਂ ਬੇਵਸ ਮਹਿਸੂਸ ਕਰ ਸਕਦੇ ਹਨ।
ਜੂਏ ਵਿੱਚ ਹਾਰੇ ਪੈਸੇ ਵਾਪਸ ਜਿੱਤਣ ਦੀ ਕੋਸ਼ਿਸ਼ ਨੂੰ ਘਾਟਾ ਪੂਰਾ ਕਰਨ ਦੀ ਕੋਸ਼ਿਸ਼ ਕਿਹਾ ਜਾਂਦਾ ਹੈ। ਵੱਡਾ ਨੁਕਸਾਨ ਝੱਲਣ ਤੋਂ ਬਾਅਦ ਫੌਰਨ ਮੁੜ ਖੇਡਣ ਦਾ ਮਨ ਕਰ ਸਕਦਾ ਹੈ, ਪਰ ਇਸ ਨਾਲ ਹੋਰ ਵੱਡੇ ਨੁਕਸਾਨ ਹੋ ਸਕਦੇ ਹਨ।
ਜੇ ਕੋਈ ਜੂਏ ਨਾਲ ਨੁਕਸਾਨ ਦਾ ਸ਼ਿਕਾਰ ਹੈ, ਤਾਂ ਉਹ ਆਪਣੀ ਜ਼ਿੰਦਗੀ ਦੇ ਹੋਰ ਕੰਮਾਂ ਨਾਲੋਂ ਜੂਏ ਬਾਰੇ ਵੱਧ ਸੋਚ ਸਕਦਾ ਹੈ। ਉਹ ਕਿਤੇ ਹੋਰ ਧਿਆਨ ਨਹੀਂ ਕੇਂਦਰਿਤ ਕਰ ਸਕਦੇ, ਹੋਰ ਸਰਗਰਮੀਆਂ ਵਿੱਚ ਦਿਲਚਸਪੀ ਘਟ ਸਕਦੀ ਹੈ ਜਾਂ ਨਿੱਜੀ ਜ਼ਿੰਮੇਵਾਰੀਆਂ ਨੂੰ ਅਣਦੇਖਿਆ ਕਰ ਸਕਦੇ ਹਨ।
ਜੂਆ ਸ਼ਰਮ ਜਾਂ ਪਛਤਾਵੇ ਦੀ ਭਾਵਨਾ ਪੈਦਾ ਕਰ ਸਕਦਾ ਹੈ। ਇਸ ਕਰਕੇ ਲੋਕ ਆਪਣੀ ਜੂਏ ਦੀ ਆਦਤ ਲੁਕਾਉਣ ਲੱਗਦੇ ਹਨ, ਜਿਸ ਨਾਲ ਸਮੇਂ ਜਾਂ ਪੈਸੇ ਦੇ ਨੁਕਸਾਨ ਦਾ ਹਿਸਾਬ ਲਗਾਉਣਾ ਔਖਾ ਹੋ ਜਾਂਦਾ ਹੈ।
ਇਹ ਛੋਟਾ ਕਵਿਜ਼ ਕਰੋ ਤਾਂ ਜੋ ਤੁਸੀਂ ਚੈਕ ਕਰ ਸਕੋ ਕਿ ਕੀ ਤੁਹਾਡਾ ਜੂਆ ਨੁਕਸਾਨਦਾਇਕ ਹੈ, ਅਤੇ ਆਪਣੀ ਸਥਿਤੀ ਮੁਤਾਬਕ ਟੂਲ ਅਤੇ ਸਰੋਤ ਪ੍ਰਾਪਤ ਕਰ ਸਕੋ।
ਜੇ ਤੁਸੀਂ ਜੂਆ ਛੱਡਣ ਜਾਂ ਲਾਲਚ ਘਟਾਉਣ ਲਈ ਵਿਹਾਰਕ ਕਦਮ ਚੁੱਕਣਾ ਚਾਹੁੰਦੇ ਹੋ, ਤਾਂ ਸਰੋਤ ਤੋਂ ਹੀ ਪਹੁੰਚ ਬਲਾਕ ਕਰਨਾ ਵੱਡਾ ਫਰਕ ਪਾ ਸਕਦਾ ਹੈ।
ਕਈ ਵਾਰ ਸਭ ਤੋਂ ਤਾਕਤਵਰ ਕਦਮ ਜੋ ਤੁਸੀਂ ਚੁੱਕ ਸਕਦੇ ਹੋ, ਉਹ ਸਿਰਫ਼ ਜੂਏ ਤੋਂ ਬ੍ਰੇਕ ਲੈਣਾ ਹੁੰਦਾ ਹੈ।
ਆਪਣੀ ਮਰਜ਼ੀ ਨਾਲ ਜੂਏ ਤੋਂ ਦੂਰ ਰਹਿਣਾ ਤੁਹਾਡਾ ਆਪਣਾ ਫੈਸਲਾ ਹੁੰਦਾ ਹੈ ਕਿ ਤੁਸੀਂ ਹਫ਼ਤਿਆਂ ਤੋਂ ਲੈ ਕੇ ਸਾਲਾਂ ਤੱਕ ਜੂਏ ਤੋਂ ਦੂਰ ਰਹੋ — ਤਾਂ ਜੋ ਤੁਸੀਂ ਆਪਣਾ ਸਮਾਂ, ਪੈਸਾ ਅਤੇ ਉਰਜਾ ਹੋਰ ਮਹੱਤਵਪੂਰਨ ਚੀਜ਼ਾਂ ‘ਤੇ ਲਗਾ ਸਕੋ।
ਇਹ ਕੋਈ ਸਦਾ ਲਈ ਪਾਬੰਦੀ ਨਹੀਂ ਹੈ। ਇਸਨੂੰ ਇਸ ਤਰ੍ਹਾਂ ਸੋਚੋ ਜਿਵੇਂ ਤੁਸੀਂ ਆਪਣੇ ਲਈ ਥੋੜ੍ਹਾ ਸਮਾਂ ਅਤੇ ਜਗ੍ਹਾ ਬਣਾਉਣ ਲਈ “Pause” ਬਟਨ ਦਬਾ ਰਹੇ ਹੋ।
ਜੋ ਵਿਅਕਤੀ ਜੂਏ ਨਾਲ ਨੁਕਸਾਨ ਦਾ ਸਾਹਮਣਾ ਕਰ ਰਹੇ ਹਨ, ਉਨ੍ਹਾਂ ਦੀ ਮਦਦ ਕਰਨ ਵੇਲੇ ਤੁਹਾਡਾ ਆਪਣੇ ਬਾਰੇ ਧਿਆਨ ਰੱਖਣਾ ਵੀ ਜ਼ਰੂਰੀ ਹੈ।
ਜੇ ਕਿਸੇ ਦਾ ਜੂਆ ਖੇਡਣਾ ਤੁਹਾਨੂੰ ਕਿਸੇ ਵੀ ਤਰੀਕੇ ਨਾਲ ਪ੍ਰਭਾਵਿਤ ਕਰ ਰਿਹਾ ਹੈ, ਤਾਂ ਤੁਹਾਡੇ ਲਈ ਵੀ ਮਦਦ ਅਤੇ ਸਹਾਇਤਾ ਉਪਲਬਧ ਹੈ।
ਸੋਮਵਾਰ ਤੋਂ ਸ਼ੁੱਕਰਵਾਰ, ਸਵੇਰੇ 9 ਵਜੇ ਤੋਂ ਸ਼ਾਮ 8 ਵਜੇ ਤੱਕ
(ਸਰਕਾਰੀ ਛੁੱਟੀਆਂ ਤੋਂ ਇਲਾਵਾ)
ਏਸ਼ੀਅਨ ਫੈਮਿਲੀ ਸਰਵਿਸਿਜ਼ ਨਿਊਜ਼ੀਲੈਂਡ ਵਿੱਚ ਰਹਿੰਦੇ ਏਸ਼ੀਆਈ ਭਾਈਚਾਰਿਆਂ ਲਈ ਇੱਕ ਮੁਫ਼ਤ, ਗੁਪਤ ਅਤੇ ਨਾਂ ਬਿਨਾਂ (ਅਨਾਨਿਮਸ) ਫ਼ੋਨ ਸੇਵਾ ਪ੍ਰਦਾਨ ਕਰਦਾ ਹੈ, ਜੋ ਕਈ ਏਸ਼ੀਆਈ ਭਾਸ਼ਾਵਾਂ ਅਤੇ ਅੰਗਰੇਜ਼ੀ ਵਿੱਚ ਉਪਲਬਧ ਹੈ।
ਜੇ ਤੁਸੀਂ ਆਪਣੇ ਜੂਏ ਕਾਰਨ ਤਣਾਅ ਮਹਿਸੂਸ ਕਰ ਰਹੇ ਹੋ ਜਾਂ ਕਿਸੇ ਹੋਰ ਦੇ ਜੂਏ ਬਾਰੇ ਚਿੰਤਿਤ ਹੋ, ਤਾਂ ਅਸੀਂ ਤੁਹਾਡੀ ਮਦਦ ਲਈ ਮੌਜੂਦ ਹਾਂ।
ਕੀ ਇਹ ਪੇਜ ਤੁਹਾਡੇ ਲਈ ਮਦਦਗਾਰ ਸੀ?
ਫ਼ੋਨ ਕਰੋ